Prezidan Preval,
Mwen se Bernard Cadet, mwen se yon teknisyen k ap travay nan Radyo Nasyonal peyi D'Ayiti depi 1999.
Mwen se yon ajan devlopman tou, mwen se fondate yon oganizasyon ki rele M.P.L. Mouvman Peyizan Lomon ki chita nan 2ziem seksyon Miragwan, nan wout Fondeblan.
Ansanm ak peyizan yo, nou rive reyalize anpil ti bagay paske mwen menm m te konn mache 5 kilomet pou al pran ti moso pen lekol, men kounye a timoun Lomon yo jwenn yon lekol pou pran ti moso pen pa yo okontre nan pi bon kondisyon, yo gen akse sou entenet nan lekol sa a malgre distans lan pa rapo a vil yo.
Ou ta ka sezi Prezidan preval pou tande sa men se vre .
mwen ta renmen mande w Prezidan Preval 2 bagay souple, zon sa a se yon plenn li ye ki ka fe anpil manje, tankou diri, mayi, tout kalite legim epi yon rivye pase sou te sa a ki soti nan plenn Abraham ( Fond-des Negres ), ou konn zonn sa byen Prezidan paske ou te vizite Abraham deja .
Nou ta bezwen yon ponp ak mwayen pou kanalize pou moun yo ka fe manje epi nan bonbat lamize ak pwodiksyon nasyonal la .
Pou lekol la, nou ta renmen klotire lakou pou sekirize lekol la ak ekipman nou tankou : pano soley, delko, antenn pou entenet la, materyel lekol yo .
Non lekol la se Centre d'Enseignement Toussaint Louverture de Lhomond ke MENJS toujou itilizepou fe egzamen CEP chak ane.
Ou gen anpil zanmi w ki soti nan zonn sa a tankou Henri claude Voltaire, Pe Yves Voltaire pou m site sa yo selman .
Mwen kwe Prezidan Preval wap voye repons pou moun Lomon yo epi mesi anpil pou mwayen sa a ou mete pou pep la kapab komike ak ou.
mwen mande pou aksepte salitasyonm .
Chapo ba pou ou
Bernard Cadet
Technicien a la RNH
Tel 3-460-967, 2-223-7959
Posted by Bernard Cadet on 4/30/08 11:57 AM
REPLY to topic
or start a
NEW Topic
Bookmark it via:
Digg,
del.icio.us,
StumbleUpon,
Google
